Unu partidu natzionali e indipendentista cumenti is Rossomori, a marolla est po su bilinguismu. Ma, cumenti bieis in custu situ e totu, su tempus de chistionai e de scriri a pitzus de su sardu, est acabau po sempri.

Nosu, ca seus sardas e sardus nous e modernus, seus giai passaus a innantis, a chistionai e a scriri IN sardu, de calisisiat argumentu. Donniunu sa bariedadi chi scit e chi ddi praxit de prus ca tantis, po una o po unu de is Rossomori, a ddu cumprendi totu est unu deretu-dèpidu (diritto-dovere).

Is aministradoris Rossomori trabàllant dònnia di’ po su bilinguismu e po cussu medas ant firmau su Cuntratu cun is Sardas e cun is Sardas. In prus, Paolo Mureddu (Rossomori de Casteddu), Oresti Pili (Rossomori de Cabuderra) e Antoni Monni (Rossomori de Brucei-Casteddu) ant agiudau meda po chi sa Provìntzia de Casteddu fetzessit su libru de is Arrègulas de sa Dòpia Norma. A sa presentada at pigau parti Claudia Zuncheddu puru, Consillera Arregionali Rossomori .

.

• Videolina. Sa presentada de is Arregùlas de sa norma campidanesa, cun Oresti Pili e Claudia Zuncheddu.
• Sardegna 1. Sa presentada de is Arregùlas de sa norma campidanesa, cun Oresti Pili e Claudia Zuncheddu.