Angelo Vaccargiu fiat un’oberaju de cincuantasett’annus de Arcidanu (San Nicolò d’Arcidano) chi est mortu una pariga de cidas a oi po crupa de s’amiantu. In is annus de Setanta at traballau in cantieris cun amiantu e custa maladia bessit totu in d-una a pustis de trinta o corant’annus, pròpiu cumenti est sussèdiu a Angiulu chi est mortu agoa de un’annu de sunfrimentu malu.

Giampaolo Lilliu, de sa Cgil, presidenti de su Comitau Amiantu giai de su 1994, bolit chi sa Asl castit no is traballadoris sceti ma is familiaris insoru puru. Est arrennèsciu a interessai a s’assessori arregionali Antonello Liori chi at chistionau cun Bruno Palmas su manager de sa Asl. Eus a biri chi agoa de is fueddus ant a benni, a sa bon’ora, is fatus puru.

Su pèsami (le condoglianze) de is Rossomori a totu sa famìlia de Angiulu.
.
.

Articoli simili:

• Acabau su Campionau de sa Murra in Urtulle’
  A su Campionau de sa Murra de Urtulle’ (Urzulei) ant pigau parti prus de centu murradoris, de Sardìnnia, Catalùnnia, Trentinu, Friuli e Marcas (Marche). Ocannu puru, cumenti in su 2007 e 2008 puru, ant bintu Antonello Putzulu e Gampietro Manca...
  
  
• Arregordu de Efis Melis
  Un’eroi est unu chi morit faendi una cosa bona o unu chi abàrrat biu ma fait una cosa spantosa prus manna e prus bona meda de sa chi is atrus funt bonus a fai. Po cussu is Rossomori erois no...
  
  
• Un succo 15 €. Questo è un servizio pubblico?
  Una tassa de suci de fruta a 15 èurus. Custu iat a essi serbìtziu pùbricu? In sa praja (spiaggia) de Capriccioli, a Arzachena, ddoi est una posada (bar-ristorante) de su Comunu. Su Comunu dd’at donau a ddu fai traballai (dato...